yabs

Narito nakakulong
Sa selda ng katotohanan
Kasama ng mga salita
Na hindi mabitiwan

Ang tanging nilalang
Na walang kakayahan
Walang lakas ng loob
Balot sa katahimikan

Huwad na tapang
Na di kayang takpan
Ang labis na kawalan
Ng paniniwala sa sarili

Gusto ng tagumpay
Gusto ng ligaya
Na hindi kayang patotohanan
Kinagisang kaduwagan

Nakakulong sa takot
Na dala ng kabiguan
Habambuhay na talunan
Dahil ayaw makipagsapalaran